Saphileaum-მა ემბიენთ/Lowtempo dub სეტი Bauhaus Bar-თან დაუკრა (სეტის მიმოხილვა)

13 სექტემბერი 2018

22:00

13 სექტემბერს Bauhaus Bar-ის ეზოში 22:00 საათზე, რომელიც დედაენის პარკის ტერიტორიაზე მდებარეობს, ანდრო გოგიბედაშვილმა (იგივე Saphileaum) არაჩვეულებრივი და მეტად საინტერესო ემბიენთ/ტექნო სეტი დაუკრა. მისი პირველი ემბიენთ ალბომი სახელად "Echoes of the Physical World" 12 სექტემბერს CD და Digital ფორმატში ანდროს მიერ დაარსებულ ლეიბლზე "Theosophy" გამოვიდა.

სეტზე ჩვენ ზეცაში და ზღვის ლამაზ ნაპირებზე ვიმოგზაურეთ. ეს ლამაზი, ატმოსფერული მუსიკა სხვა პარალელური სამყაროს ჩაკეტილ კარს ხსნიდა, რომელიც წარსულის მიუვალ სამეფოს არაჩვულებრივად გვიჩევენებდა. პატარ-პატარა ელემენტები ემბიენთისა და სიმფონიის ფერად ნაზავს ქმნიდა. იყო Dark ემბიენთის ელემენტებიც, რომელიც ამ ატმოსფერულ სტილს ბნელ და მელანქოლიურ ფორმას სძენდა. ერთ-ერთ კომპოზიციის წყობაზე და ფორმებზე გამახსენდა ლეგენდარული ნორვეგიელი მუსიკოსის ვარგ ვიკერნესის მუსიკალური პროექტი "Burzum", რომლის 1996 წლის ალბომ "Filosofem"-ის 25 წუთიანი ემბიენთის ინსტრუმენტული ჰიმნი სახელად, "Rundtgåing av den transcendentale egenhetens støtte", (რომელიც მინიმალიზმის შედევრად ითვლება) ამტკიცებს იმას, რომ თუ ერთი შეხედვით ერთფეროვან მუსიკას დავუკვირდებით მრავალ მცირე და ხშირად შეუმჩნეველ ჰარმონიულ ნაწილაკებს შევამჩნევთ. მინიმალიზმი და სიღრმე ანდროს მუსიკაში მრავლადაა მრავალ პროგრესულ ცვილილებებთან ერთად. ზოგი კომპოზიცია სევდიანი იყო, ზოგიც დამაფიქრებელი და ზოგი სიხარულით სავსე. ერთ-ერთი კომპოზიციის ერთი ნაწილი ფსიქოდელიურ ფანკს ჰგავდა, სხვა low-tempo dub-ს, ზოგი პროგრესული როკის სასინთეზატორო ნაწილებს შეიცავდა და ცოტაოდენი ჯაზის წვეთსაც შეამჩნევდით.

სეტის პირველი და უმეტესი ნაწილი უფრო მეტად ანდროს ახალ, ემბიენთ ნაწილს დაეთმო და დანარჩენი კი Lowtempo dub - სა და იმ მუსიკას ,რასაც ის წარსულში უფრო ხშირად უკრავდა. ეს მუსიკოსის სხვა ნაწილი, სხვა სულიერი მხარეა, რომელსაც დრო სჭირდება იმისათვის, რომ შეიცნო და გაიგო. ზოგი კომპოზიცია ვარსკვლავებით მოჭედილ ცას ჰგავდა სადაც უცხო, არნახული სამყაროები ერთიანდება (რომლებსაც ვეძებთ ხოლმე და ანდროს მუსიკის მეშვეობით უფრო გაგვიმარტივდება პოვნა ამ უსასრულო მნათობებში ახალი სიმაღლეების).

სტატიის ავტორი: რატი ონიანი

მსგავსი ღონისძიებები

KHIDI წარმოგიდგენთ ყველაზე გავლენიანი ამერიკული ლეიბლის Hospital Productions-ის პირველ შოუქეისს

Dominick Fernow-ს მიერ დაარსებულმა ლეიბლმა ოცწლიან პერიოდში 500-ზე მეტი სხვადასხვა ჟანრის რელიზი გამოსცა.

კლუბი/ლაუნჯი

IRAKLI KIZIRIA-ს და YACOUB CHAKARJI-ს ბერლინური ტექნოს მთელი ღამის განმავლობაში დაუკრავს

პროექტი 2011 წელს შეიქმნა და ლოკალურ ანდერგრაუნდ სცენაზე მაშინვე დიდი წარმატება მოიპოვა.

კლუბი/ლაუნჯი

მუსიკალური პროექტი "TREEBAL " სფეისჰოლის სცენაზე წარსდგება

TREEBAL - პროექტი მიზნად ისახავს ფსიქოდელიური მუსიკის, ხელოვნებისა და კულტურის განვითარებას საქართველოში.

კლუბი/ლაუნჯი

ფელიქს ვაისის ფირფიტების კოლექცია მეობაში გაჟღერდება

“ჩვენ” არ ვართ მხოლოდ მუსიკოსები, არტისტები, პროდიუსერები; “ჩვენ” ვართ ყველა ის ადამიანი, ვისაც აქვს თარო ფირფიტებისთვის.თითოეული ადამიანისთვის ეს რაღაც თავისია.

კლუბი/ლაუნჯი